Манай сургуулийн сэтгэл судлалын хөтөлбөр нь өөрийн орны болон гадаадын олон улсын сэтгэл судлалын бакалаврын шилдэг хөтөлбөрүүдийн харьцуулсан судалгаанд тулгуурлан боловсруулагдсан бөгөөд агуулгын хувьд олон улсын ижил төстэй хөтөлбөрүүдэд дөхөж очсон гэдгээрээ онцлог юм.

Та нийтдээ 4 жил буюу 8 семестр суралцана. 1 хичээлийн жилд 2 семестер ногддог ба эхний жил 32, хоёр дахь жил 38, гурав дахь жил 35, төгсөх жил мөн 34 кредит цагийн хичээл тус тус судална. Үүнээс Ерөнхий суурь хичээл 24 кредит цаг буюу нийт хичээлийн агуулгын 18.7 хувь, Мэргэжлийн суурь хичээл 40 кредит цаг буюу 31 хувь, Мэргэшлийн хичээл 65 кредит цаг буюу 50.3 хувийг тус тус эзэлнэ.

Хичээл лекц, семинар гэсэн хэлбэрээр явагддаг ба семинарын хичээл нь жижиг группүүдэд хуваагдаж лекцээр авсан мэдлэгээ бататгах, тухайн хичээлийг илүү нарийвчлан үзэх юм. Бусад их дээд сургуулиас илүү олон буюу дөрвөн төрлийн дадлага хийж практик ур чадвараа нэмэгдүүлж, төгсөөд шууд ажиллах ур чадвартай болох боломжтой. Оюутнууд суралцах явцдаа бодит төслүүд дээр ажиллаж сэтгэл судлал, хууль, шүүхийн салбарт судалгаа хийх, эрдэм шинжилгээний ажилд оролцох боломжтой бөгөөд энэ нь тэдний мэдлэг, ур чадварыг гүнзгийрүүлэх, судалгааны арга зүй эзэмших, эрдэм шинжилгээний өгүүлэл бичих ур чадварт суралцахад тусална.

Мөн тус хөтөлбөрт манай улсын их дээд сургуулиудын ижил төстэй хөтөлбөрт ордоггүй эм судлал, өгөгдлийн шинжилгээ, сэтгэл судлалын заах арга зүй, мэргэжлийн англи хэл, анатоми-физиологи зэрэг хичээлүүд ордог нь төгсөгчдөө мэргэжлийн талбартаа өрсөлдөх чадвар, мэргэшсэн боловсон хүчин болоход туслах юм.