Түүхэн замнал ба Үзэл санаа
Шихихутуг — Үзэл санааны гарал
Шихихутуг (1178–1260) нь Их Монгол Улсын анхны дээд шүүгч бөгөөд Чингис хааны зарлигаар томилогдон ажиллаж байв. Тэрээр эзэнт гүрний хэмжээнд бичмэл хуулийн суурийг тавьж, аман хууль цаазыг системчилсэн хууль зүйн тогтолцоо болгон өөрчилсөн түүхэн гавьяатай. Монголын хууль эрх зүйн түүхэнд тэрээр хууль цааз болон шүүхийн шийдвэрийг албан ёсоор бичиж үлдээсэн, Их Засаг хуулийг эмхэтгэсэн гол хүн гэгддэг.
Шихихутуг Их Сургууль нь энэхүү түүхэн хүмүүсийн нэрийг өвлөн авсан бөгөөд түүний эрхэмлэн сахиж байсан шударга ёс, эрдэм мэдлэг, хууль дээдлэх зарчмыг өнөөгийн 21-р зууны дээд боловсролд шингээн хэрэгжүүлж байна. Энэ нь Монголын эрх зүйн баялаг өв уламжлалыг даяаршсан мэдлэгийн нийгмийн хувьсан өөрчлөгдөж буй хэрэгцээ шаардлагатай холбох гүүр болж байгаа хэрэг юм.
Монгол Улсын хувийн дээд боловсролын анхдагч
Шихихутуг Их Сургууль (ШХИС) нь 1991 онд Монгол Улс ардчилалд шилжих түүхэн цаг үед байгуулагдсан анхны хувийн их сургуулиудын нэг бөгөөд хууль зүйн боловсролын шинэ стандартыг тогтоосон. Өнөөдөр тус сургууль нь үндэсний оюун санааны уламжлалыг олон улсын академик стандарттай хослуулсан Эрх зүй, Бизнес, Сэтгэл судлалын чиглэлээр мэргэшсэн тэргүүлэх хувийн их сургууль болтлоо хөгжсөн байна.
Шихихутуг хууль зүйн дээд сургууль Боловсролын сайдын зөвлөлийн 1991 оны 10 дугаар сарын 16-ны өдрийн 11 тоот шийдвэрээр байгуулагдав.
Шихихутуг хууль зүйн дээд сургуулийн анхны хичээлийн шинэ жилийн нээлтийн ажиллагаа 1992 оны 9 дүгээр сарын 1-ний өдөр болов. 1992 онд 500 гаруй элсэгчдийн өргөдлөөс 33 оюутныг сонгон шалгаруулан элсүүлэв.
- Шихихутуг хууль зүйн дээд сургуулийг анхны 21 оюутан төгсөв.
- Хууль зүйн яам, Гэгээрлийн яамнаас хуулийн их, дээд сургуулиудын оюутны түвшин тогтоох шалгалтанд Шихихутуг ХЗДС тэргүүн байранд шалгарав.
Шихихутуг сэтгүүлийн анхны дугаар хэвлэгдэв.
- Шихихутуг хууль зүйн дээд сургуулийн 10 жилийн ой тохиов.
- Шихихутуг ХЗДС анх удаа амжилттай магадлан итгэмжлэгдэв.
- Шихихутуг ХЗДС-ийн “Клиник сургалтын төв” байгуулагдав.
Ахисан түвшний сургуулийн суурь тавигдаж, анхны 10 магистрантыг элсүүлэв. Магистрийн зэрэг хамгаалуулах зөвлөлийн анхны даргаар хууль зүйн шинжлэх ухааны доктор (Sc.D), профессор О.Амархүү, орлогч даргаар хууль зүйн шинжлэх ухааны доктор (Sc.D), профессор Г.Совд нар ажиллаж байв.
- Шихихутуг их сургуулийн хичээлийн 1-р байр ашиглалтанд оров.
- "Оюуны хөгжлийн “Гэрэгэ клуб”
байгуулагдав.
- Их Монгол Улс байгуулагдсаны 800 жилийн ой, Шихихутуг хууль зүйн дээд сургуулийн 15 жилийн ойг тохиолдуулан хичээлийн төв байранд Их Монгол Улсын Их Заргач Шихихутугийн цээж баримал хөшөөг залав.
- Шихихутуг сэтгүүлийн тусгай дугаар хэвлэгдэн гарав.
- Шихихутуг ХЗДС Хоёр дахь удаагаа амжилттай магадлан итгэмжлэгдэв.
Шихихутуг ХЗДС-ийн 20 жилийн ой тохиов.
Боловсрол, соёл, шинжлэх ухааны сайдын А/296 тоот тушаалаар их сургуулийн статустай болов.
Хичээлийн хоёрдугаар байр ашиглалтанд оров.
Шихихутуг их сургуулийн 30 жилийн ой тохиов.
Монголын их дээд сургуулиудаас анх удаа дөрөв дэх удаагаа Магадлан итгэмжлэгдэв.
Шихихутуг их сургуулийн нэгдүгээр байрны гадны Их Монгол Улсын их заргач Шихихутугийн хөшөөг босгов.
Шихихутуг их сургуулийн харьяа Харьцуулсан эрх зүйн хүрээлэн байгуулагдав.