Чанарын менежмент
Гарчиг
Шихихутуг их сургуулийн Чанарын менежмент
Шихихутуг их сургууль нь хяналт шинжилгээ, өөрийн үнэлгээний үйл явцыг тогтмол хэрэгжүүлж, үйл ажиллагаагаа тасралтгүй сайжруулах замаар чанарын дотоод баталгаажуулалтыг хангахаар ажиллаж байна.
Шихихутуг их сургуулийн чанарын зорилго
Шилдэг менежмент, шинэлэг аргыг нэвтрүүлж, үндэсний ба олон улсын стандартад нийцсэн сургалт судалгааны тэргүүлэх их сургууль болно
Шихихутуг их сургуулийн чанарын зорилт
- Сургалтын чанар, үр дүнг тасралтгүй сайжруулах
- Хүний нөөцийг хөгжүүлж, үнэлж, ирээдүйн хэрэгцээг тодорхойлох
- Олон улсын жишигт нийцэх боловсролын байгууллага болох
- Нийгмийн үнэлэмж, сэтгэл ханамжийн түвшинг дээшлүүлэх
- Эрсдлийн менежментийг сайжруулах
Чанарын баталгаажуулалтын онцлог үйл ажиллагаа
- Чанарын баталгаажуулалтын үйл явцыг чанарын менежментийн PDCA буюу Р(төлөвлөх), D(хэрэгжүүлэх), С(хянах), А(сайжруулах) арга барилд үндэслэн зохион байгуулна.
- Хичээлийн жилийн хавар намрын улиралд сургуулийн менежментийн тогтолцоонд дотоод аудит хийж, сайжруулах санал, зөвлөмж боловсруулан сайжруулах ажлын хэрэгжилтийг хянана.
- Сургалтын болон судлагдахууны хөтөлбөрийн хэрэгжилтэд дотоод аудит хийж, сайжруулах санал, зөвлөмж боловсруулан сайжруулах ажлын хэрэгжилтийг хянана.
- Сэтгэл ханамжийн судалгааг бүх үйлчилгээний хүрээнд алба нэгж бүрээр гүйцэтгүүлж, дүгнэлт, зөвлөмж боловсруулан сайжруулах ажлын хэрэгжилтийг хянана.
- Үйл ажиллагаан дахь үл тохирлыг илрүүлэх, залруулах арга хэмжээг тогтмолжуулж, залруулах арга хэмжээний үр нөлөөг үнэлнэ.
- Чанарын соёлыг төлөвшүүлэх чиглэлээр сургалт, судалгаа, соён гэгээрүүлэх, нөлөөлөх үйл ажиллагааг зохион байгуулна.
- Хөндлөнгийн үнэлгээ, баталгаажуулалтад бэлтгэх үйл явцыг зөвлөн чиглүүлнэ.