Оюутны клубууд
Хичээлээс гадуурх арга хэмжээ
Хичээлээс гадуур 5 төрлийн оюутны сайн дурын клубууд үйл ажиллагаагаа явуулдаг бөгөөд тус клубуудаад хамрагдан бие хүний төлөвшил, ур чадвараа сайжруулах боломжтой. Сайн хуульч нь онол, практикийн гүнзгий мэдлэгтэй байхыг шаардахаас гадна өөрийгөө сайтар илэрхийлэх, өөрийн бодолоо хамгаалах, мэтгэлцэх ур чадварыг суулгах шаардлагатай.
Суралцах явцад таныг бүх талаар сорих олон төрлийн тэмцээн уралдаан зохион байгуулагддаг ба та энэ бүгдээс өөрийгөө бүх талаар хөгжүүлэх боломжтой. Тухайлбал, академик хүрээнд эрүүгийн эрх зүй, захиргааны эрх зүй, иргэний эрх зүйн мэтгэлцээний болон бодлогын тэмцээнүүд, англи хэлний олимпиадад оролцох бөгөөд шалгарсан оюутнууд олон улсын “Moot court”-ын тэмцээн, МХХ-оос зохион байгуулдаг Mock Trial тэмцээнүүдэд оролцоно.
ШХИС нь Эрүүгийн эрх зүйн Mock Trial тэмцээнд 5 удаа, Иргэн-2, захиргаа-1 удаа нэгдүгээр байр, ШХИС нь хүчтэй өрсөлдөг байсаар ирсэн уламжлалтай.
Бид оюутнуудадаа зөвхөн академик мэдлэг, ур чадвараар манлайлах бололцоог хангахаас гадна оюуны болон биеийн цогц чадамжийг бүрдүүлэхийг чухалчилан үздэг тул манай сагсан бөмбөгийн Shihihutug Hornets баг, воллейбол, шатрын клуб дугуйлангууд идэвхтэй, тасралтгүй үйл ажиллагаа явуулдаг.
Оюуны хөгжлийн “Гэрэгэ клуб”
Оюуны хөгжлийн “Гэрэгэ” клуб нь анх Шихихутуг их сургуулийн оюутнуудын санаачилгаар 2004 оны 2-р сард нээлтээ хийж байсан бөгөөд өдгөө 20 жилийн түүхтэй илтгэх урлаг, мэтгэлцээн, эрдэм шинжилгээний чиглэлээр үйл ажиллагаа явуулж байна.
“Radix” эрдэм шинжилгээний клуб
Радикс эрдэм шинжилгээний клуб нь шинжлэх ухаан, судалгаанд суурилсан орчин үеийн сургалтыг хөгжүүлэх, сургалт-эрдэм шинжилгээний холбоог бэхжүүлэх сонирхлын хүрээнд 2015 онд Шихихутуг их сургууль дээр байгуулагдсан
Их заргач шатрын клуб
Шихихутуг Их сургуулийн дэргэдэх “Их заргач” шатрын клуб нь 2016 онд үүсэн байгуулагдсан. Сургуулийн 25 жилийн ойн хүрээнд байгуулагдсан.
“Hornets” сагсан бөмбөгийн клуб
Манай сагсан бөмбөгийн клуб болох Shihihutug Hornets баг нь 2020-2021 оны хичээлийн жилд анх үүсгэн байгуулагдсан.
"Их цааз" захиргааны эрх зүйн клуб
Шихихутуг их сургуулийн “Их Цааз” захиргааны эрх зүйн клуб нь захиргааны эрх зүйгээр нарийвчлан судлах, нийт суралцагчдын мэдлэг болон ур чадварыг нэмэгдүүлэх зорилготойгоор 2015 онд үүсгэн байгуулагдсан.
“Private law” хувийн эрх зүйн дугуйлан
Шихихутуг Их сургуулийн Хувийн эрх зүйн тэнхимийн дэргэдэх “PRIVITE LAW” дугуйлан нь хувийн эрх зүйн чиглэлээр эрдэм шинжилгээ, судалгааны ажил бичих сонирхолтой, цаашид хувийн эрх зүйн чиглэлээр ажиллаж, мэргэших чиглэлийн хүрээнд 2023 онд Шихихутуг их сургууль дээр байгуулагдаж, албан ёсоор үйл ажиллагаагаа явуулж эхлээд байна.
