ШУДАРГА ЁС, ХИЧЭЭНГҮЙН СОЁЛ ТӨРИЙН ЭРХЭМСЭГ ОРШИХУЙН ҮНДЭС БОЛОХ НЬ

Abstract

Энэхүү өгүүлэлд Монголын төр ёс, төрийн дэг жаягийн үүсэл 
хөгжил, түүний уламжлал ба шинэчлэлийн харилцан хамаарал, 
мөн төрийн албаны соёлын мөн чанар, агуулгыг судлан авч үзэв. 
Төрийн албаны соёлын үндэс болсон шударга ёс, эе эв, хариуцлага, 
хууль дээдлэх ёс зэрэг үнэт зүйл, зарчмуудын агуулга, ач 
холбогдлыг Монголын төрийн уламжлал, орчин үеийн төрийн 
албаны хөгжлийн хүрээнд шинжилсэн болно. Судалгааны үр дүнд 
төрийн албаны дэг жаяг, соёл нь төрийн байгууллын тогтвортой 
байдал, төрийн үйл ажиллагааны үр нөлөө, төрийн нэр хүндийг 
бэхжүүлэх чухал хүчин зүйл болохыг тодорхойлохыг зорив. 
Өгүүллийн шинэлэг тал нь төрийн албаны дэг жаяг, соёлыг 
Монголын төр, улсын бат бөх оршин тогтнохуй, төрийн эрхэмсэг 
чанарыг хадгалан хөгжүүлэх үнэт зүйлсийн нэгэн суурь үндэс 
хэмээн үзэж, түүний онолын болон практик ач холбогдлыг 
тодруулах оролдлого хийсэнд оршино.