ГЭР БҮЛИЙН ХҮЧИРХИЙЛЛИЙН УЛМААС ХОХИРСОН ХҮҮХДИЙН СЭТГЭЛ ЗҮЙН ХОХИРЛЫГ ЭРХ ЗҮЙН ХУВЬД ҮНЭЛЭХ АСУУДАЛ

Abstract

Монгол улсын Эрүүгийн хуулийн тусгай ангид заасан зарим 
гэмт хэргүүдэд хохирогчийн сэтгэцэд учирсан хор уршгийн 
зэрэглэлийг тогтоож нөхөн төлбөрийг мөнгөн хэлбэрээр 
олгож буй эрх зүйн зохицуулалт нь “Гэм буруугийн 
зарчим”-д суурилсан. Энэхүү зохицуулалт нь хүүхдийн эрх, 
хууль ёсны ашиг сонирхлыг хамгаалах, учруулсан 
сэтгэлзүйн хохирлыг арилгах, нөхөн төлбөрийн хэмжээг 
зохистойгоор тогтоох зорилготой. Хууль тогтоомжид 
хүүхдэд учирсан сэтгэлзүйн хохирлын үнэлэмжийг 
тодорхойлохдоо гэм хорын хариуцлага хүлээх этгээдийг 
тодорхойлж авч үзсэн байна. Гэвч хүүхдэд учирсан 
сэтгэлзүйн хохирлыг үнэлэх хэм хэмжээ, түүнийг 
хэрэгжүүлэх, хяналт тавих эрх бүхий байгууллагын чиг 
үүрэг тодорхой бус байгаа нь хохирогч хүүхдийн 
хамгаалалт, сэтгэц зан үйлийн аюулгүй байдал, эрх зүйн 
байдлыг хангахад хүндрэл учруулж байна. Иймд энэхүү 
өгүүлэлд дээрх зохицуулалтын өнөөгийн байдалд дүн 
шинжилгээ хийж, тулгамдаж буй асуудлыг тодорхойлохыг 
зорив.